Thread: jagA jee laganaY kee dunYa naheEn hai..!!

Jaga Jee Laganay Ki Duniya Nahin Hai
Junaid Jamshed

Anokhi Waza Hai Saray Zamanay Say Niralay Hain
Yeh Aashiq Kaunsi Basti Kay Yaa Rab Rehnay Walay Hain
--------------------------------------------------------
Jaga Jee Laganay Ki Duniya Nahin Hai
Yeh Ibrat Ki Jaa Hai Tamasha Nahin Hai

Jahan Main Hain Ibrat Kay Har Su Namoonay
Magar Tujhko Andha Kiya Rang-o-Bu Nay
Kabhi Ghaur Say Bhi Yeh Dekha Hai Tu Nay
Jo Maamoor Thay Wo Mehel Ab Hain Sooonay

Jaga Jee Laganay Ki Duniya Nahin Hai
Yeh Ibrat Ki Jaa Hai Tamasha Nahin Hai

Milay Khaak Main Ahl-e-Shaan Kesay Kesay
Makeen Ho Gaye La Makaan Kesay Kesay
Huey Namwar Bay Nishaan Kesay Kesay
Zameen Kha Gayee NauJawan Kesay Kesay

Jaga Jee Laganay Ki Duniya Nahin Hai
Yeh Ibrat Ki Jaa Hai Tamasha Nahin Hai

Zameen Kay Huey Log Paiwand Kya Kya
Maluk-o-Huzur-o-Khudawand Kya Kya
Dikhaye Ga Tu Chand Roz Kya Kya
Ajal Nay Picharray Tan-o-Mand Kya Kya

Jaga Jee Laganay Ki Duniya Nahin Hai
Yeh Ibrat Ki Jaa Hai Tamasha Nahin Hai

Ajal Nay Na Kisra Hi Chora Na Daara
Isi Say Sikandar Sa Fateh Bhi Hara
Har Aik Chor Kay Kya Kya Hasrat Sidhara
Parra Reh Gaya Sab Yahin Khaat Sara

Jaga Jee Laganay Ki Duniya Nahin Hai
Yeh Ibrat Ki Jaa Hai Tamasha Nahin Hai

Tujhay Pehlay Bachpan Nay Barson Khilaya
Jawani Nay Phir Tujhko Majnoon Banaya
Burr`haapay Nay Phir Aa Kay Kya Kya Sataya
Ajal Tera Kar Day Ge Bilkul Safaya

Yehi Tujhko Dhun Hai Rahun Sab Say Bala
Ho Zeenat Nirali Ho Fashion Nirala
Jiya Karta Hai Kya Yunhi Marnay Wala
Tujhay Husn-e-Zahir Nay Dhokay Main Dala

Wo Hai Aaish-o-Ishrat Ka Koi Mehel Bhi
Jahan Taak Main Khari Ho Ajal Bhi
Bas Ab Is Jahalat Say Tu Nikal Bhi
Yeh Tarz-e-Maishat Ab Apna Badal Bhi

Jaga Jee Laganay Ki Duniya Nahin Hai
Yeh Ibrat Ki Jaa Hai Tamasha Nahin Hai

Yeh Duniya-e-Fani Hai Mehboob Tujhko
Hui Wah Kya Cheez Marghub Tujhko
Nahin Aqal Itni Bhi Majzoob Tujhko
Samajh Lena Ab Chahiye Khoob Tujhko

Jaga Jee Laganay Ki Duniya Nahin Hai
Yeh Ibrat Ki Jaa Hai Tamasha Nahin Hai

Burr`hapay Say Paa Kar Payam-e-Qaza Bhi
Na Chaunka Na Cheeta Na Samnbhla Zara Bhi
Koi Teri Ghaflat Ki Hai Inteha Bhi
Junoon Chor Kar Apnay Hoshon Main Aa Bhi

Jab Is Bazm Say Chal Diye Dost Aksar
Aur Uthtay Chalay Ja Rahay Hain Baraabar
Har Waqt Paish-e-Nazar Hai Yeh Manzar
Yahan Par Tera Dil Behelta Hai Kionkar

Jaga Jee Laganay Ki Duniya Nahin Hai
Yeh Ibrat Ki Jaa Hai Tamasha Nahin Hai

Jahan Main Kahin Shor-e-Maatam Bapa Hai
Kahin Fikr-o-Faqah Say Aah-o-Baqa Hai
Kahin Shikwa`Jor-o-Makr-o-Dawa Hai
Gharz Har Taraf Say Yehi Bas Sada Hai

what a meaning ful poem sis mashallah

Masha allah

thts one of the best urdu poems !

gud work

n nah its tooooooo hard translating it to english

i know..........but dont u think translating tht biiiiiiiiiig poem is quite a tedious job ?

nice poem sister well done
it can be translate in English but someone master in english needed :brother:

^ yes..and here's the audio version..even more superb..!! maybe u've heard b4...by junaid jashed the former and first pop singer of pakistan, now a da'ee alhumdulillah..
http://www.darsequran.com/hamdnaat/jagah.asx

here's another:
Multazim Par Dua




Zahir Ki Aankh Say Na Tamasha Karay Koi
Ho Dekhna Toh Deeda-e-Dil Waa Karay Koi
Arr Baithay Kya Samajh Kay Bhala Tuur Par Kaleem
Taaqat Ho Deed Ki Toh Taqaza Karay Koi

Ilaahi Teri Chaukhat Par Bhikaari Ban Kay Aya Hoon
Saraapa Faqr Hoon, Ijz-o-Nadaamat Saath Laya Hoon

Ilaahi Teri Chaukhat Par Bhikaari Ban Kay Aya Hoon
Saraapa Faqr Hoon, Ijz-o-Nadaamat Saath Laya Hoon

Bhikaari Wo Kay Jis Kay Paas Jholi Hai Na Piyaala Hai
Bhikaari Wo Jisay Hirs-o-Hawas Nay Maar Dala Hai

Mata-e-Deen-o-Daanish Nafs Kay Haathon Say Lutwa Kar
Sukoon-e-Qalb Ki Daulat Hawas Ki Bhaint Chharwa Kar

Luta Kar Saari Poonji Ghaflat-o-Isyaan Ki Daldal Main
Sahara Lenay Aya Hoon Teray Ka'abay Kay Aanchal Main

Gunaaahon Ki Lipat Say Ka'ainat-e-Qalb Afsurda
Iraaday Muzmehal, Himmat Shikasta, Hauslay Murda

Kahan Say Laoon Taaqat Dil Ki Sachhi Tarjumani Ki
Kay Is Jhanjaal Main Guzri Hain Ghariyan Zindagi Ki

Khulasa Yeh Kay Bas Jal Bhun Kay Apni Ru-Siyaahi Say
Saraapa Faqr Ban Kar Apni Haalat Ki Tabaahi Say

Teray Darbaar Main Laya Hoon Apni Ab Zabun Hali
Teri Chaukhat Kay Laaiq Har Amal Say Haath Hain Khaali

Yeh Tera Ghar Hai Teray Mehr Ka Darbaar Hai Maula
Saraapa Noor Hai Aik Mohbat-e-Anwaar Hai Maula

Teri Chaukhat Kay Jo Aadab Hain Main Un Say Khaali Hoon
Nahin Jis Ko Saliqa Maangnay Ka Wo Sawali Hoon

Zuban Gharq-e-Nadaamat Dil Ki Naaqas Tarjumani Par
Khudaya Rehem Meri Is Zamanay Bay Zubani Par

Yeh Aankhain Khushk Hain Yaa Rab Inhain Rona Nahin Aata
Sulagtay Daagh Hain Dil Main Jinhain Dhona Nahin Aata Hai

Ilaahi Teri Chaukhat Par Bhikaari Ban Kay Aya Hoon
Saraapa Faqr Hoon, Ijz-o-Nadaamat Saath Laya Hoon
Saraapa Faqr Hoon, Ijz-o-Nadaamat Saath Laya Hoon

:wl:

JAZAKALLAH SISTER
keep on sharing
WEll Jintni meri knowledge hia this Dua is written by bulkay not written yeh dua
Mufti Taqi Usmani ne multazim kay samnay perhi thi bulkya youn khain ke ALLAH
kay samnay apnay dil ki halat bayan kari .....aur phir JUNAID JAMSHED ne perhi
and mene live suni hia

Originally Posted by Lonely_Boy

:wl:

JAZAKALLAH SISTER
keep on sharing
WEll Jintni meri knowledge hia this Dua is written by bulkay not written yeh dua
Mufti Taqi Usmani ne multazim kay samnay perhi thi bulkya youn khain ke ALLAH
kay samnay apnay dil ki halat bayan kari .....aur phir JUNAID JAMSHED ne perhi
and mene live suni hia

:brother:
ye aap kitareef nahi leikin eik sacchai boolraha hoonke waqai aap ke likhne se najane kuoon dil par buhath asar karti hai shayad ye apne apne taqwe ki bath hoti ye khuda ki dain hai
allahhafiz