format_quote Originally Posted by
Mercurial
Muddat hui hai yaar ko mehmaan kiye hue
Josh-e-qadah se bazm charagaan kiye hue
Phir vazaa-e-ehtiyaat se rukne lagaa hai dam,
Barson huen hai chaak girebaan kiye hue
Phir pursish-e-jaraahat-e-dil ko chala hai ishq,
saaman-e-sadh-hazaar namak-daan kiye hue.
Phir jii mein hai ke dar pe kisi ke pade rahen
Sar zer-baar-e-minnat-e-darbaan kiye hue
Jii dhoondta hai phir wahi phursat ke raat-din,
Baithen rahen tasavvur-e-jaana kiye hue.
Ghalib hamen na cheda ke phir josh-e-ashq se
Baithen hain ham tahayya-e-toofaan kiye hue
:p:
Thanks for sharing, great.
Dil Phir Tawaf E Ku E Malamat Ko Jaye Hai
Pindaar Ka Sanamkada Veeran Kiye Hue.
Enjoy another one from the Great Mirza Ghalib.
Hazaro Khawahishen Aise Ki Har Khawahish Pe Dam Nikle
Bahot Nikle Mere Armaan Magar Phir Bhi Kam Nikle.
Dare Hai Kyon Mera Qatil, Rahega Kya Uski Gardan Pe
Woh Khoon Jo Chashm E Tar Se Umr Bhar Yoon Dum Ba Dum Nikle
Bharam Khul Jaye Zaalim Teri Qamat Ki Darazi Ka
Agar Is Turra E Pur Pech O Kham Ka Pech O Kham Nikle.
Agar Likhwaye Koi Usko Khat To Humse Likhwaye
Hui Subha Aur Ghar Se Kaan Pe Rakhkar Qalam Nikle
Nikalna Khuld Se Aadam Ka Sunte Aaye The Lekin
Bahot Be-aabru Hokar Tere Kunche Se Hum Nikle
Hui Jinse Tavvaqo Khastagi Ki Daad Pane Ki
Woh Humse Bhi Bhi Ziada Khasta E Teg E Sitam Nikle
Mohabbat Me Nahin Hai Kuch Farq Jeene Aur Marne Ka
Usi Ko Dekh Kar Jeete Hain Jis Kaafir Pe Dum Nikle.
Kahan Maikhane Ka Darwaza Aur Kahan Vaaiz
Par Itna Jaante Hain Kal Wo Jata Tha Jo Hum Nikle.