الله کے نام کا وزن

[Pure Purple]

Rasool-E-Pak (S.A.W.) Ne Irshad Fermaya Keh Maidan-E-Hashar Mein Ek Shakhs Hazir Hoga Jiskey Saath Gunahon Key 99 register hongey aur Inmein Sey har register Itna bada hoga ke agar usko phelaya Jaey tu zameen O aasman usmein Chhup jaein. Bargah-E-Khudawandi Mein Jab uski Paishi hogi uur uskey gunahon Key Wo register Bhi saamney rakhey Jaeinge Tau Wo Unhein Dekhker Intehai Pareshan Hoga Aur Khayal Karega Keh aaj Tu Meri nijaat Ki Koi soorat nahi. Isi Isna Mein Bargahe khudawandi se aswaz Aaeygi Keh ai Mere bande ki Yeh saarey gunah too ney kiye they? Tau wo intyehai Khauf aur pareshani key alam mey eyteraaf kareyga ke Han yeh mein ney hi kiye hein. ALLAH Pak fermaeinge keh kia terey paas Koi Uzer Hey? Tau Wo Arz kareyga ke Ya ALLAH koi Uzer nahi.

ALLAH Pak Fermaeinge Keh Terey Inn 99 register mein ek Naiki bhi hey aur wo hey Kalma-E-Tauheed Yani "LA ILAHA ILLALLAH MUHAMMADUR RASOOLULLAH", Irshad-E-Khudawandi hoga Keh jao aur is Naiki ka Wazan Karao. Wo Banda Arz Kareyga Keh Ya ALLAH Aap Mujhey Kion Ruswa Kerrahey Hein? Mere Gunahon Key Inn 99 register Key muqaabley mein yeh ek Naiki Kia Karegi? Tau ALLAH Pak Fermaeinge Keh "LA ZULM ALYOM" Yani Aaj Keh Din Kisi Per Koi Zulm Na Hoga, Tum Jaker apni naiki wazan tau Karao? Aur Apney Saamney Karao takeh tumharey dil mein yeh khayal paida na hokey kahein farishton ney tumharey saath koi Zulm tu Nahi kerdia? Yeh Shakhs Phir Arz Karega Keh Ya ALLAH! Mujhey Aur Ruswa Na Karein, Yeh Ek Naiki Mere Inn Gunahon Key Muqabley Mein Kia Wazan Laeigi? Tau ALLAH Pak Fermaeinge Keh Tu Jato Sahi Chunacha yeh shakhs wazan kerwaney chalajaeyga, Tarazoo key ek palrey Mein gunahon Key 99 Defter Honge Jabkeh Doosrey Palrey Mein Yeh Ek Naiki Hogi Tao Yeh Shakhs Yeh Dekhker Hairaan Hojaeyga Keh Buraiyon Aur Gunahon Key 99 Daftaron Wala Palra Uth Jaeyga Aur Ek Neki Wala Palra Jhuk Jaeyga, Chunacha ALLAH Pak ki taraf sey hukm hoga ke yeh shakhs jannati hai aur iski wajah ALLAH pak bayan Fermaeinge Keh "WALA ZIKRULLAH-E-AKBAR" Yani ALLAH ka zikr sab Sey wazni hey.

FAEDA:
Jis Cheez Ney Itney Barey Gunahgar Ko Jannat Ka Waris Banadia Wo DIL KA IKHLAAS Hey. Ikhlaas O Lillahiyet Ki Bunyaad Per Kia Janey Wala Chhotey Sey Chhota Amal Bhi Insaan Ki Ukhrawi Nijaat O Kamrani Ka Zeenah Ban Sakta Hey. Jabkeh Reyakari Ki Bunyaad Per Kia Janey Wala Barey Sey Bara Naik Amal Bhi Jahannam Ka Sabab Ban Ker Hamesha Hamesha Ki Zillat O Berbadi Ka Moojib Ban Sakta Hey, ALLAH Pak Ham Sab Musalmano Ko Ikhlaas Ki daulat naseeb fermaey aur naiki ke har kaam mein Barh charh ker hissa leney ki taufeeq Ata fermaey chahey Wo Koi chota Hi amal Kiyoon na ho.

IKHLAS Ka Matlab Hey Keh wo kaam mehez ALLAH Ki raza key liye ho, bando ko dikhaney key liye na ho yahi apney Naam-O-Namood Ki khowahish dil mein paida na ho.

ALLAH Pak hamein her naik amal mehez ALLAH ki raza key liye kerney ki Taufeeq Ata fermaey, Aameen.