Waqt kaisa azaab laya hai

[maqsood hasni]

Waqt kaisa azaab laya hai

Waqt kaisa azaab laya hai
“Tum kab laeq-e-mohabat ho?
Aaenay main apni shakal daikho”
Qasid yahhi jawab laya hai
Goya khat main ataab laya hai
Jo sar kay bal chalay thay
Na’kaam tehray
Par ghar golab laya hai
Zelikha ka eshq sacha sahi
Woh barhana pa kab chali thi
Paya omodi chal chala hai
Her zinda qabr main
Aankh daikhti nahain
Kansontay nahain
Waqt kaisa inqalaab laya hai
Baresh qaraz’dar badloon ki
Badil binae ko tarsain
Zakhmi zakhmi
Her sohagan ki kalae
Baiwa sola sangar main hai
Waqt kaisa inqalaab laya hai
Waqt kaisa azaab laya hai

 

['Abdul Rahmaan]

Kiya yeh ghazal aap ki apni likkhi hue hai?

 

[maqsood hasni]

ji haan,
yah nazm mairi hi likhi hoe hai.
tovajo k liay mamnoon hoon.

 

['Abdul Rahmaan]

Aadaab arz hai

Huzur, ham se bara qadardan aap ko dhunde nah mile ga. Hamen moqa hi kahan faraham huwa mamnun karne ka.

Ho jae issi dhage main phir aik aor ghazal huzur ke hath mubarik ki likkhi hue?

:bump1:

Aadaab

 

[maqsood hasni]

janab k hukam ki tameel na ho,
yah kaisay aur kayoon'kar mumkin hai.
aaj hi kuch na'kuch paish kar doon ga.
tovajo k liay eak bar phir shukarreya ada karta hoon.
Allah aap ko kush rakhy

 

['Abdul Rahmaan]

Aap ke daste sukhun daraaz hone ka intizaar rahe ga ghulam ko.

 

[maqsood hasni]

Aaqa!
ghaliban nazm "mat pocho" par aap ki nazar nahain pari.
agar issay bhi eak nazar daikh lain to kiya hi acha ho.

 

['Abdul Rahmaan]

Huzur! aap ke iis khadim ki nazmon ka charagh janaab ki ghazalon ke muqable main suraj ko charagh dikhane ke mutradif ho ge. Bas jane bhi dijiye.

Agar aap munasib samjhen tao iis dhage ko Urdu zuban main baat cheet ke liye makhsus kar lete hain. Lekin aap ka ta'awun darkar ho ga. Aap ta'awun ka matlab tao samajhte hain na.

 

[maqsood hasni]

Janab mein her qisam k ta'awan k liay hazar hoon.

 

['Abdul Rahmaan]

Bas Huzur ki tavojoh ka talib hoon. Kuchh waqt mil jaye tao hamen apni ziyarat se feziyaab hone ka moqa din men aik aad bar de diya kijye. Shukriyah

Allah Taa'ala aap ko jaza-e-khair ata farmaen....Ameen

 

[Yanal]

Bismillah Hair Rahmaan Nara Heem
MashAllah bothi aja shaar ta.
Walakum Asalam Warakmatulah Wabarkatuh.

 

['Abdul Rahmaan]

Sho'raa ki mehfil ke kuchh khas aadab hote hain. On aadaab mein se aik yeh hai keh kisi shair ke sher ki tareef shairanah andaaz mein ki jati hai.

 

[Yanal]

Yae ap ka shar ha?

 

['Abdul Rahmaan]

Sher kehna nahin ata. Sikhne ki khwahish zaroor hai. Huzur ki nazr-e-karam hue tao bohot jald kehne lagon ga insha'Allah.

 

[maqsood hasni]

khoob guftagu chal rahi hai jo chalti rehni chahiay.

 

[Yanal]

Asinahin karsata because ye spam huta ha.

 

[maqsood hasni]

thek ay ji

 

[Yanal]

Ap apna intro thread kunahin banata hay? Fir ham loog aram se baath karsati gain inshAllah.

 

[maqsood hasni]

aap k hukam ki tameel ho aur zaroor ho gi.

 

[Yanal]

Abhi banadi.