بہت سی نعمتیں اور رحمتیں لئے عید آئی اور گزر گئی لیکن ہماری عید تو ابھی باقی ہے ۔۔دوسرا روز ۔۔ تیسرا روز۔۔ چوتھا روز۔۔ پانچھواں روز اور پتا نہیں کب تک۔۔ آخر تیاری میں بھی تو کتنا وقت لگایا ہے۔ اور پھر پیسے جو خرچ ہوے ہیں وہ بھی وصول ہونے چاہیے۔ ٹھیک ہے جب اللہ نے دیا یے تو بخل کیسا۔ اور اگر اعتدال میں رہتے ہوے سب کیا جائے تو حرج بھی نہیں۔ لیکن ہمارے اردگرد بہت سے لوگ ہیں جو ان بہت سی نعمتوں سے محروم ہیں جن کا ہم عید کے روز فائدہ اٹھاتے ہیں۔وہ لوگ جن کے پاس نہ اپنے بچوں کے لئے نئے کپڑے ہیں، نہ نئے جوتے۔ جن کے گھر کے چولہے عید کے روز بھی ٹھنڈے پڑے ہیں۔ جن کے پاس عید کے روز کھانے کو روٹی نہیں نئے کپڑے کہاں سے لاتے؟ جن کے بچے صبح نئی چیزوں کی آس لئے اٹھتے ہیں اور دن بھر اپنی ماں کے بہلاووٗں میں گزار کر یہی آس لئے پھر سو جاتے ہیں۔ وہ غریب بچے جو حسرت بھرے نگاہوں سے ہمارے بچوں کو تکتے ہیں اور جن کی خاموش نگاہیں ہمارے بچوں سے سوال کرتی ہیں ہمارا کیا قصور ہے؟ ہم کیوں محروم ہیں؟
اپنی عید کی خوشیوں میں یہ نہ بھولیے کہ اس میں ان معصوم بچوں کا بھی حصہ ہے۔ ہماری تھوڑی سی مالی قربانی ان کے چہروں پر بھی مسکراہٹ لا سکتی ہے۔ ہمارا تھورا سا ایثار انہیں بھی عید منانے کا حق دلوا سکتا ہے۔ تھوڑا ہی سہی لیکن انہیں اپنی خوشیوں میں ضرور شامل کیجیے۔ ابھی عید گزری نہیں، بس چند معصوم مسکراہٹیں اپنے نام کر لیجیے۔ یہ تو وہ بہترین قرض یے جو ہم اپنے اللہ کو دیں گے اور جو انشااللہ قیامت کے روز کئی گناہ بڑھا کر ھمیں لوٹا دیا جائے گا
بس تھوڑا سا ایسا کچھ ضرور کیجیے جو کسی محروم کی ‘عید’ کو ‘عید’ بنا دے
اللہ ہم سب کو اپنے حفظ و امان میں رکھے اور ہمارے نیتوں کو اپنے لئے خالص کر دے۔ آمین
Mujhe yeh apnay aap is behtar lag rahay hein,jitna kum hoga itna he ooper jawab dena paray ga aur in sub ko kitna acha lagay ga jub is sub ka badla Qiyamat mein milay ga,insha-Allah
Hey there! Looks like you're enjoying the discussion, but you're not signed up for an account.
When you create an account, we remember exactly what you've read, so you always come right back where you left off. You also get notifications, here and via email, whenever new posts are made. And you can like posts and share your thoughts.
Sign Up
Bookmarks