Tariq Ki Dua (Allamah Iqbal)
Undlas ke maidan-e-jang mein
Yeh ghazi yeh tere pur-israr bande
Jinhen ttu ne bakhsha hai zoq-e-Khudai
Dao-nim in ki thokar se sehra-o-darya
Simat kar pahar in ki haibat se rai
Dao-aalam se karti hai be-ganah dil
Ajab cheez hai lazzat-e-aashnai
Shahadat hai matlub-o-maqsude Momin
Nah mal-e-ghanimat nah kishwar kushai
Khiyaban mein hai mutazir lalah kab se
Quba chahiye iis ko khune Arab se
Kiya ttu ne sehra-nashinon ko yakta
Khabar mein, nazar mein, azan-e-seher mein
Talab jis ki sadyon se thi zindagi ko
Woh soz os ne paya inhi ke jigar mein
Kushade dar-e-dil samajhte hein iis ko
Halakat nahin maot in ki nazar mein
Dile mard-e-Momin mein phir zindah kar de
Woh bijli keh thi nara-e-latazar mein
Azaaim ko sinon mein bedaar kar de
Nigah-e-Musalman ko talwar kar de!
Bookmarks