Shayiri

[------]

Aap lout aao tho lout aaye har khushi meri,
Zindagi kabristan bani hai Aap k bigair,
Kash Aap samjh jaaye kaise dasti hain tanhaiyan,
Ek pal mein hazaron dard sehthi hoon Aap k bigair

 

[------]

 

[ridaa_islam]

hum shairi padhte hain bhai, likhte nahi...
woh daur se hum alredy guzar chuke hain...;D

 

[------]

Hehehe Jee janab lekin hum aik shayar hain ;D :giggling:

 

[------]

 

[Khayal]

hmmmm, hamein shoq tu hai perhnai ka or likhnai kaaa :rollseyes mager abhi wo nobat nahein aai k sehraa ki taraf niklein or ;D

Arz hai...

Ek hi fun to hum ne seekha hai
Jis se milye ussey khafa kijeye
Mujhko aadat hai rooth janey ki
Aap mujhko mana liya kijeye

 

[------]

Wah ji wah kya baat hai huzoor..!

Beet gaya sawan ka mahina, mausam ne nazrein badli,
Lekin in pyaasi aankhon mein ab tak aansu bahte hain...

 

[Khayal]

Waah, bohot khoob..:rose:

Arz hai......:sister:

Merey mizaj ka dushman meri gawahi de
Keh tera naam bhi leta hoon main dua ki tarah!
Hazar tuhmaten duniya ne bakhsh dein mujhko
Main aadmi tha magar chup raha khuda ki tarah!

 

[------]

Bohat khoob...!

Kisika hamein aawara kehna koi bada ilzaam nahi,
Duniya wale dilwalo ko aur bahut kuchh kahte hain..! :heated:

 

[Khayal]

Bohot khoob,

Ishq samjhey the jisko woh shaid
Tha bus ik na-rasai ka rishta
Merey aur uske darmiyan nikla
Umar bhar ki judai ka rishta

 

[------]

OMG! Bohat khoob aur such! (na-rasai kya hota hai?!)

 

[Khayal]

OMG! Bohat khoob aur such! (na-rasai kya hota hai?!)

Adaaab:sister:

Na-rasai... i think, hmmmm ji tak pohonch na sakein..:sister:

Arz hai...

Tu khwab tha to mujhe neend se jagaya kyun
Tu wehem tha to merey sath sath kyun na chala :sister:

 

[------]

Wah ji wah..!

ArZ KiYa HaI...

KYA PATA KYUN UNSE ITNA PYAR KAR BAITHE
KYA PATA KYUN UNPE IS KADAR MAR BAITHE
VOH TOH ITNE DUR HAI KI VAPIS NAHI AAEGI
KYA PATA KISKE YAADON ME AANSUN KA DARIYAN BHAR BAITHE

 

[Khayal]

Bohot khoob..

Lejeeay arz hai..:sister:

Tujhe kya khabar mah-o-saal ne humein kaise zakham diye yahan
Teri yaadgaar thi ik khalish, teri yaadgar bhi ab nahi!
Na giley rahey na guman rahey na guzarishen hain na guftugu
Woh nishat-e-waada-e-wisl kya humein aitebaar bhi ab nahi!

 

[------]

Wah..!

Bahut chaha magar unhe bhula na sake,
Khayalon me kisi aur ko la na sake....
Kisi ko dekh ke aansu to poch liya,
Par kisi ko dekh ke muskura na sake....

 

[Khayal]

Ay dost hum ne tark-e-muhabbat ke bawajood
Mehsoos ki hai teri zaroorat kabhi kabhi!

 

[------]

Mohabbat mujhe thi ussi se sanam,
Yado me uski tadapta raha,
Maut bhi na rok sahi meri chahat ko,
Kabr me bhi ye dil dhadhakta raha...

 

[Khayal]

bohot khoob.:sister:
Us ke liye to main ne yahan tak dua'en kein
Meri tarah se koi ussey chahta bhi ho!

 

[Khayal]

kabhi khamosh betho gai kabhi kuch gungunao gai
main utna yaad aoonga mujhe jitna bhulao gai
koi jab pooch bethe ga khamoshi ka sabab tum se
bohat samjhana chaho gai magar samjha na pao gai

 

[Khayal]

Dekha tha muskura ke kisi ne bus ik nazar
Phir phool khil uthey the jahan tak nazar gayi!